Örvænting
Svo virðist sem keppendur áskorunarinnar séu að fyllast örvæntingu og trúleysi á eigin getu. Báðir aðilar gera fátt annað þessa dagana en að afsaka sig og nýjasta ráðið hjá þeim félögum fellst í því að skora á mig til þess að taka einnig þátt í þessari áskorun!!! Þetta lýsir þessari örvæntingu sem virðist ríkja í hugum keppenda, þetta er svo gegnsætt hjá ykkur "hei, bjóðum feita seina gaurnum að vera með, við vinnum hann pottþétt!!!", hversu lélegt er þetta, þið eruð aumkunarverðir!!!
En þið megið búast við því að ég verðir fyrstur að mæta að horfa á annan ykkar taka þátt í kvennahlaupinu!!!

REGLUR
Hér eru reglur sem snúa að hlaupinu.

1. Einungis er heimilt að keppa á skóm með háum hæl, lágmark 4cm
2. Keppendur skulu vera í mislitum keppnisgöllum svo að auðveldlega megi greina á milli þeirra.
3. Aðeins er leyfilegt að taka eina vatnspásu á meðan hlaupi stendur.
4. Keppendur skulu mæta a.m.k. 15 mínútum fyrir hlaup til þess að koma í veg fyrir seinkun á móti.
5. Öll meðferð kóladrykkja og sælgætis er stanglega bönnuð á mótsstað.
6. Öll meðferð áfengis og annarra vímuefna er æskilega á mótsstað.
7. Óheimilt er að láta annan en skráðan hlaupara hlaupa í áskoruninni.
8. Ef keppandi er lengur en 60 sek. að hlaupa 400 metrana þá þarf hann að hlaupa 10km í kvennahlaupinu næsta sumar, óháð því í hvaða sæti hann er.
9. Brot á þessum reglum gerir keppanda samstundis brottrækan úr áskorun og þarf hann að afplána dóm sinn með þáttöku í kvennahlaupinu næsta sumar.

Framkvæmdarstjórn Áskorunarinnar miklu

ÁSKORUNIN MIKLA!!!
Stöðugt styttist í að áksorunin mikla fari fram...
Eftir fleirri stöðubirtingar á gengi æfinga hefur Jóhann tekið forystu með 42% atkvæða á móti 32% atkvæðum sem Kristmundur hefur hlotið!!! Enn geta lesendur haft áhrif á veðbankann með því að kjósa hér til hliðar.
Sjáum hver sigrar að lokum og hleypur meðal miðaldra kvenna á meðan aðrir fylgjast með og drekka öl.

Áskorunin mikla - Fréttir af undirbúningi

Þegar ég var búinn að þjálfa í dag ákvað ég að taka smá skokk til að ég vinni Krissa örugglega í Áskoruninni miklu. Ég ákvað að skokka að bóndabæ einum er Sveinungsvík heitir, minnti að það væri hæfilega langt.
Ég fór af stað og komst brátt að því að það er svolleiðis miklu lengra í Sveinugsvík en mig minnti. Þar að auki var sterkur vindur og brattar brekkur á leiðinni.
En ég ákvað að láta ekki deigan síga og hélt mig við fyrri áætlun. Einum og hálfum tíma síðar skreið ég inn á Raufarhöfn aftur, nær dauða en lífi. Komst að því að ég hafði tekið einhverja rúma 10 kílómetra!!!
Skemmst er frá því að segja að þegar ég kom heim titraði ég allur og skalf og enn er ástand mitt hræðilegt.
En ég hugga mig þó við það að Krissi gæti aldrei skokkað tíu kílómetra þó að hann fengi róbóta með slími fyrir það...
Undirbúningur fyrir Áskorunina miklu er því kominn á fullt skrið og Krissi má aldeilis passa sig.

joiskag

Babbarabú. Miðvikudagur er mættur og því komið að tónlistargetrauninni. Verði ykkur að góðu.

Hverjir sungu og af hvaða snilldarplötu er þetta nú?
“Caught by the fuzz
Well I was
Still on the buzz
In the back of the van
With my head in my hands
It's like a bad dream
I was only 15
If only my brother could be here now
He'd get me out and sort me out alright
I knew I should have stayed at home tonight”

Hvað heitir bandið og hvað heitir platan?
“Sit beside a mountain stream – see her waters rise.
Listen to the pretty sound of music as she flies.
Find me in my field of grass –
Mother Nature’s son.”

Hvert er þetta band og hvert er þetta lag?
“If you should ever leave me
Though life would still go on believe me
The world could show nothing to me
So what good would living do me”

Í lokin er það jú súkkulaðikleinan. Minni á að henni má maður ekki svara nema maður heiti Þorgeir Arnar. Kleinan hljómar svo:
Hvaða hljómsveit gerði Bítlaplötuna Beatles for sale?

Einvígi spóaleggjanna
Undirbúningur Krissa - 1. hluti

Óhætt er að segja að undirbúningurinn fari brösulega af stað. Hef tvisvar farið að skoða hlaupabrautina í Krikanum en lítið hlaupið ennþá, meðal annars hætt við vegna magaverks og lélegs skóbúnaðar. Ég tel fullvíst að ef við værum að keppa í afsökunarkeppni myndi ég taka Jóhann í óæðri endann. Já, sama enda og maðurinn reyndi að leigja um árið á Hansen.

Síðustu dögum hef ég aftur á móti einkum eytt í fuglaskoðun og fengið úr henni fína hreyfingu. Ég hef mikið spekúlerað í hlaupastíl ýmissa fugla og reynt að læra af þeim. Sérstaklega þykir mér mikið til koma hlaupalags spóans og mun reyna að tileinka mér það eins fljótt og auðið er. Hraðar fótahreyfingar einkenna það og mun ég lítið beita hnjánum, sem hafa einmitt lengi verið minn akkilesarhæll. Gæsir þykja mér hlaupa hægt og mun ég forðast að hlaupa eins og þær. Þá er hlaupalag skúfandarinnar alveg út í hött.

Það er einnig ljóst að mitt helsta tromp í einvíginu verður markviss sálfræðihernaður. Ég ætla fyrst að segjast vera búinn að æfa þrisvar á dag undir stjórn Mumma Karls en byrja svo að haltra eins og sjóræningi þremur dögum fyrir hlaup. Í hlaupinu sjálfu mun ég svo láta eins og ég sé með Parkinson-veikina. Þessi aðferð gæti dugað til sigurs en byggir þó á nógu góðri upphitun á páskadag.
Loks kem ég til með að treysta mikið á heppni í undirbúningnum. Ég hef enga trú á næringarfræði enda á allra vitorði að eitt hamborgaratilboð á dag hamlar gegn grasofnæmi.

Þrátt fyrir örfá skakkaföll er ég bjartsýnn. Nægur tími er til stefnu og þó Jói hafi það framyfir mig að hafa e-n tíma hlaupið 400 m hlaup vil ég meina að ég hafi ákveðið sálfræðilegt forskot. Hvað sem verður heiti ég því að ef ég tapa á páskadag mun ég gera mitt besta við að vinna Kvennahlaupið.

Fréttir af æfingunum
Daníel skoraði á okkur Krissa að birta hér á blogginu fréttir að æfingum fyrir veðmálið mikla. Rifjum aðeins upp um hvað það snýst fyrir nýja lesendur. Krissi skoraði á mig í 400m hlaup á páskadagsmorgun kl. 10:00. Sigurvegarinn labbar burtu með einn kass af bjór, en sá sem tapar þarf að taka þátt í Kvennahlaupinu í sumar.
Það er því ljóst að það er til mikils að vinna.

Persónulega get ég ekki sagt að æfingar hafi verið stífar hjá mér þar sem ég býst ekki við að þufa að hlaupa þetta hlaup. Við þekkjum öll meiðslasögu Krissa og ég þori að veðja að hann meiðist fyrir hlaupið, ja allavega á hann eftir að þykjast hafa meiðst því hann veit að hann getur ekki unnið mig.
Ég treysti aðallega á forna frægð á frjálsíþróttvellinum. Kristmundur man eflaust ekki eftir því að 400m hlaup var mín sérgrein á árum áður, varð m.a. íslandsmeistari í flokki 19-22 ára þegar ég var 19 ára. Haha!!
Fornum afrekum mínum til staðfestingar birti ég hér smá brot úr metaskrá frjálsíþróttasambands Íslands sem sínir svart á hvítu þrjú glæsileg íslandsmet, m.a. eitt í 400m hlaupi.

Drengir 17 - 18 ára - Utanhúss
4x100 metra boðhlaup 44,6 Sveit FH FH Reykjavík 15/09/97
(Björn B. Björnsson, Aron F. Lúðvíksson, Jóhann Skagfjörð, Sveinn Þórarinsson)
4x200 metra boðhlaup 1:35,2 Sveit FH FH Reykjavík 15/09/97
(Björn Bragi Björnsson, Aron F. Lúðvíksson, Jóhann Skagförð, Sveinn Þórarinsson)
Sveinar 15 - 16 ára - Utanhúss
4x400 metra boðhlaup
3:43,8 Landssveit ISL Reykjavík 24/10/97
(Björgvin Víkingsson FH, Stefán Ág. Hafsteinsson ÍR, Jóhann Skagfjörð FH, Ívar Örn Indriðason Á)

Ég trúi því statt og stöðugt að ég þurfi engar æfingar til að sigra Krissa. Forn frægð mín á þessum vettvangi mun tryggja mér öruggan sigur og kassa af bjór.

joiskag

Vona að þetta áfall þitt, Krissi, verði ekki til þess að þú missir dampinn við þjálfunina fyrir áskorunina... En vegna þessa hrikalega atviks legg ég til að við tökum höndum saman og styrkjum Krissa með söfnun, því að þrátt fyrir stórt tilfinningalegt áfall þá er einnig um töluvert fjárhagstjón sem hlýst af atburði sem þessum. Krissi þú setur reikningsupplýsingar bara sem komment!
Maður skilur bara ekki svona hugsanagang að ef mann vanta pening þá sé besta ráðið að brjótast inn í bíla og rústa þeim fyrir nokkra þúsundkalla, áhætta sem er vel þess virði og samviksuleysið við að valda öðrum tjóni??? "Greinilega bara best að skilja bílinn eftir ólæstan" þá eyðileggst allavega ekkert...

Yfir í annað! Þá er spurning um að fá stöðu á því hvernig keppendum áskorunarinnar gengur að koma sér í form. Vona að enginn sé að kikkna undan þessari litlu keppni...
Ekkert hefur heyrst í 1000. gestinum!!!

Af glæpum

Stundum hef ég heyrt talað um óprúttna menn sem koma öðrum fyrir kattarnef með því að hnupla og eyðileggja. Ég hef meira að segja stundum heyrt um glæpaöldur. Hingað til hef ég hins vegar bara hlegið strákslega og farið með gamanyrði þegar ég heyri eins fjarlægar sögur. En það gamla strákslega sakleysi mitt dó í dag.

Þegar ég var búinn að þjálfa í Víðistaðaskóla kom á daginn að einhver hafði brotið rúðu í bílnum mínum, mölvað miðstöðina, stolið geislaspilaranum og allavega fimmtán diskum. Seinna kom í ljós að ribbaldarnir höfðu einnig tekið skólatöskuna mína sem hljóðkerfisfræðiprófessorinn minn fékk einhverra hluta vegna og geymir heima hjá sér. Sá durgur hringdi einmitt í mig í kvöld vegna þessa og gruna ég hann sterklega um verknaðinn.

Ég bombaði mér í snatri á löggustöðina og þar tók skondinn haukur á móti mér og ekki byrjaði hann með stæl. Fyrstu orð hans voru:
“Já... ég er samt ekkert að vinna hérna... sko, málið er að árshátíðin hjá löggunni er í kvöld og ég er bara á þessari einu vakt.” Í kjölfarið sagði hann um glæpinn:
“Jájá, þetta eru sko atvinnumenn. Þetta hefur tekið innan við mínútu... nokkrar sekúndur bara... bara inn og út.” Á þessum tímapunkti þurfti ég að bíta fast í kinnina á mér svo ég springi ekki úr hlátri. En svo kom reyndar í ljós að gaurinn var mesti fagmaður og hörkulögga. Vann bara yfirleitt annars staðar. Við áttum einmitt innilegt spjall í sama yfirheyrsluherbergi (bara venjuleg skrifstofa en hitt hljómar betur) og við Danni vorum í er við vorum 14 ára opptúnógúdvillingar.

Allavega. Andskoti vorkennir maður slíkum aumingjum sem finna sig knúna til að brjóta rúðuna mína og rústa bílnum mínum. Hvernig sofa svona menn? Hvernig geta þeir farið fram úr á morgnanna? Djöfull hlýtur þeim að líða illa.

Tók samt mynd af rústunum sem blöstu við er ég kom að bílnum enda var ég í því að taka myndir af FH-ingum mánaðarins hjá 6. flokki. Myndina getið þið ekki séð “HÉR” vegna þess að ég kann ekkert á tölvur.

"Maggi eipaði"

Var að kíkja á this.is/fh og lesa um leik FH og Fram sem fór 2:1 fyrir okkur fimleikamönnum.
Allan og Ármann skoruðu FH mörkin en Framarar úr víti eftir að Maggi netverji hafði brotið á einhverjum kappa.
Segir um þetta á síðunni:

Á 33. mínútu dró svo aftur til tíðinda þegar dómarinn geðþekki, Garðar Örn Hinriksson, dæmdi víti á FH eftir að Andri Steinn hafði þvælst eitthvað í lappirnar á Magga. Maggi "eipaði" gjörsamlega"

Eins og ég þekki Magga þá er hann rólyndismaður og því kom þetta mér á óvart.

Í kjölfarið hef ég nokkrar spurningar fyrir Magga:

i) Hvað er að eipa gjörsamlega?
ii) Ætlarðu oft að gefa víti í leikjum, ef svo er nenniru þá að fara í KR?
iii) Megum við eiga von á því að þú eipir einhverntímann á okkur í matarboði af því að maturinn var ekki nógu góður?
iv) iVarstu pirraður út í dóminn eða bara að því að það er langt síðan þú hefur fengið að ríða?

bara forvitni

Kæri Jóhann.

Ég vorkenndi þér þegar ég frétti að þú flyttir á Raufarhöfn, staðinn sem ekki einu sinni rottur heimsækja nema til að deyja.

Ég vorkenndi þér þegar ég frétti að enginn hiti væri í íbúðinni þinni og þú þyrftir að sofa dúðaður eins og Ikingut litli.

Ég vorkenndi þér þegar ég frétti að vegna ófærðar væri engan mat að hafa á Riben og þú værir byrjaður að naga gólfteppi til að sporna gegn næringarskorti.

En nú berast fréttir þess efnis að þú, fullorðinn maðurinn, sért byrjaður að spila jatsí sjálfviljugur. Þú veist hvað þeir segja um jatsí, eitt jatsíspilerí er tilviljun – tvö er hegðunarmynstur. Áhyggjur mínar af þér hafa stóraukist.
Jatsí er leiðinlegasta spilið. Enginn maður sem spilar jatsí getur talist ganga heill til skógar. Þegar refsa átti ósamvinnuþýðu búaliði á tímum Stalíns var jatsí hluti af píningunum. Þegar draga átti sannleikann upp úr Atla Helgasyni var hann látinn spila jatsí.

Með þessar staðreyndir í huga hef ég ákveðið að bjóða mig fram og taka við afplánun þinni á Riben. Hér með býðst ég til að taka við starfi þínu sem grunnskólakennari á Raufarhöfn og get hafið störf strax á mánudaginn.

Með von um skjót viðbrögð,
Kristmundur

Halló hundar

Kannist þið við þegar maður fer á hverjum degi inn á ákveðna síðu og hlakkar til að sjá eitthvað skemmtilegt lestrarefni?
Þessi síða er ekki þannig. Ég legg til að við tökum okkur saman í mélkisusmettinu og uppfærum þessa síðu reglulega. Ekkert búið að gerast síðan á miðvikudag - skammarlegt.

Talandi um eitthvað skammarlegt. Það er nokkuð skammarlegt að vera gaurarnir í MR sem töpuðu byrir bifvélavirkjunum í gær. Maður er samt auðvitað hæstánægður með það. Pælið í því að þessir gaurar eiga eftir að vera þekktir í sögu MR sem gaurarnir sem TÖPUÐU í fyrsta skiptið í einhver ellefu ár.. Kæmi mér ekki á óvart þótt þeir verði kallaðir tapararnir miklu.

Ég og hún íðilfagra Berglind vorum að enduruppgvötva hinn forna og afar skemmtilega leik Yatzi og höfum spilað hann af kappi tvö kvöld í röð. Snilldar leikur... mæli með honum ef þið búið í litlu sjávarplássi úti á landi...

Í dag er miðvikudagur og sá dagur vikunnar er vissulega dagur tónlistargetrauna. Hér er ein slík.

Hver er sveitin og hvað nefnist þetta þekkta lag?
“When routine bites hard, and ambitions are low
And resentment rides high, but emotions won't grow
And we're changing our ways, taking different roads”

Hverjir eru þetta og hvert er lagið?
“Father wears his Sunday best
Mother's tired she needs a rest
The kids are playing up downstairs
Sister's sighing in her sleep
Brother's got a date to keep
He can't hang around”

Rúsínan í pylsuendanum í þetta skiptið er svo ‘súkkulaðikleinan’. Hæfni manna er misjöfn og legg ég áherslu á að allir fái verkefni við sitt hæfi. Ég minni á að öllum öðrum en Togga er meinað að taka þátt í umræddri kleinu. Súkkulaðikleinan hljóðar svona:

Í hvaða hljómsveit voru Bítlarnir John, Paul, Ringo og George?

1.000 heimsóknin

Bráðum líður að því að síðan fái 1.000 heimsóknina, merkur áfangi í sögu þessa bloggs. Af því tilefni legg ég til að sá sem er svo heppinn að vera 1.000 asti heimsækjandinn fái að verðlaunum þann heiður að fá að nefna sig "nafn" með viðskeytinu þúsund fyrir aftan. Tökum lítið dæmi: Jón fengi þá að kalla sig Jón þúsund. Til þess að fullvissa aðstandendur síðunnar að þú sért númer 1.000 þá þarftu að nota print screen skipunina sem prentar það sem sést á skjánum og koma því til Einars Andra.

Þarf að fá eina mynd af hverjum meðlim matarklúbbsins á stafrænu formi, sendið á mig á dsh@hi.is. Tók veðbankann út, hann var ekki alveg að virka, hægt að kjósa oft og svo breytti hann öllu letri á síðunni...

Jói tekur áskorun Krissa!

1972 var háð einvígi aldarinnar í Reykjavík. Spassky og Fischer háðu þar stríð stútfullt af heilabrotum og hugarleikfimi. Nú er hins vegar ljóst að einvígi 21. aldarinnar verður líkamlegt.

Öll löggild leyfi hafa verið fengin og keppendur hafa tilkynnt þátttöku á opinberum vettvangi. Eftir tæpan mánuð, á páskadag (11. apríl) mun klukkan slá tíu og í sömu andrá munu tveir spóaleggir etja kappi í 400 m hlaupi á frjálsíþróttavellinum í Kaplakrika. Þessir menn eiga það sameiginlegt að vera í versta formi ævi sinnar í dag en munu kappkosta við að bæta úr því áður en flautan gellur páskadaginn örlagaríka. Á þeirri stundu verður það ljóst hver reynist í betra formi og hver þarf að taka þátt í Kvennahlaupinu.

Vefmiðillinn pagecannotbefound.blogspot.com mun vitaskuld fylgja þessu kapphlaupi eftir næstu vikur. Í deiglunni er að koma á fót veðbanka, smella könnun á vefinn og taka hetjurnar tali og fá innsýn í undirbúninginn.

Gott fólk... Verður það nærsýni rafturinn eða gamli meiðslapésinn sem fagnar sigri? Fylgist vel með...

Af því tilefni að fyrir 23 árum kom ég í heiminn, þá mun ég vera á heimili mínu að Lækjarhvammi 23 milli 16 og 18 í dag að taka á móti gjöfum.

Í dag er það ljóst að jarðlíf Daníels Scheving spannar nákvæmlega 23 ár. Ekki þori ég þó að fullyrða hvort tilvera hans hafi einhverja þýðingu en í tilefni dagsins ætla ég samt sem áður að birta ágrip af lífi þessa pörupilts.

14. mars 1981 – Fæddur var sonur Elísabetar Daníelsdóttur og Hallgríms Scheving (Halli bömp). Barnið var skírt Daníel en hlaut í flimtingum gælunafnið Uglufés í skírnarveislunni.
1984-89 – Lítið er vitað um líf Daníels þessi ár. Þó eru heimildir fyrir því að hann hafi verið kallaður Dondi og veit það ekki á gott. Vitað er að hann sá einu sinni apana í Sædýrasafninu. Þá er vitað að snæuglurnar gerðu sér afar dælt við Donda í sömu för.
1991 – Meig í heitan pott fyrir áeggjan Péturs frænda síns. Engin meðmæli það.
1992 – Vitað til að hann hafi ælt í flugvél og ælt á Pálma Hlöðversson, æskufélaga sinn. Oft vísað til þessa tímabils í lífi Daníels sem æluáranna.
1996 – Fór úr axlarliði í fyrsta sinn á flótta undan lögreglumönnum. Lögreglumennirnir höfðu ekkert á Daníel en flóttinn var vel heppnaður. Lögreglan í Hafnarfirði klófesti þennan 14 ára pörupilt þó síðar þar sem einn félaga hans sagði til hans.
1997 – Fór á sitt fyrsta framhaldsskólaball og kynntist fyrstu ást sinni, Helenu. Hún var með grænt, hrokkið hár og var frá þeirri stundu ávallt erfitt að fylla skarð hennar (þ.e. skarð hennar var afar stórt... ). Einnig var hún frekar feit.
1999 – Fór í ferð á Akureyri og steig í vænginn við einhverja skröggfurðulega skrautpíu er kallaðist Kristrún. Hvað varð eiginlega um þá fígúru?
2000 – Fór í ferð á Akureyri og festi sjálf sitt í hlekkjum mongólitans Mongó. Eftir hálftíma baráttu viðstaddra við að halda Mongó í líkama Daníels kom Danni því miður aftur.
2001 – Oft talað um þetta ár sem glæpatímabil Daníels. Meðal þess er hann stal á ófyrirleitinn hátt var málverk, leðurstóll og snjókarl. Meðal þeirra sem skiptu sér af þessari óprúttnu hegðun voru lögreglan í Hafnarfirði, starfsmenn knæpu og hópur leðurhomma undir forystu framkvæmdarstjóra Flugleiða.
2003 – Stóð fyrir glaðbeittu en vafasömu kabarettsjói á skemmtun verkfræðinema. Daníel kom af fúsum og frjálsum vilja fram í sokkabuxum og g-streng og vakti kátínu sumra og losta annarra. Samt fyrirlitningu flestra. Seinna á árinu drap hann gullfisk á kráarrölti og var gómaður við að stela skeið af skemmtistað (reyndar ansi grand skeið).

Af gefnu tilefni er það ítrekað að þessi ótrúlega lífssaga er á allan hátt sönn og mega þeir sem sjá eitthvað athugavert við hana stíga fram sem fyrst. Einnig væri vel þegið að heyra þær sögur sem ég gleymdi.

Strandblakslið

Ef ég skildi skrif Krissa frá síðasta fimmdudegi rétt þá áttum við að stilla upp fjögurra manna strandblaksliði sem skipað er kviðmágum okkar. Þetta er helvíti snúið enda þekki ég ekki alla rekkjunauta hjásvæfa minna. En hér er tilraun.

Einar Andri (er ekki stutt síðan þú hættir í handbolta, enn í smá formi?)
Krissi (þrátt fyrir hnévandamál er hann fimur og snöggur eins og köttur)
Handboltagaurinn (kærastinn hennar bobbu. Er hann ekki að æfa handbolta???)
Pétur Run (einhver fótboltagaur, hlýtur að vera í ágætis formi. Vitið þið hver það er???)

Held að þetta sé nokkuð gott lið hjá mér. Allt miklir íþróttamenn. Held að ég hafi ykkur.
Annars var þetta nokkuð snúið. Var að hugsa um að fara að hringja í stelpur sem ég hef sofið hjá og spurja þær hvort þær hafi ekki sofið hjá einhverjum landsliðsmönnum í blaki. Gekk reyndar ekki svo langt.

joiskag

Jahérnahér. Þetta var einn fantaflottasti konsert sem ég hef orðið vitni að. Árshátíð Úlpu og Botnleðju heima á Hansen. Botnleðjubræður hljóta að vera einhverjir húmorískustu og færustu tónlistarmenn sögunnar. Haraldur reytti af sér grínið og Heiðar söng með Týrolhatt og risastóran uppstoppaðan mink á herðum sér. Menn tóku Drullumallið og allt. Svívirðilegt.

Ekki það sem ég ætlaði að skrifa um en stundum tekur tíma að ná andanum... Sögu ætlaði ég hins vegar að segja af ónefndum rafti. Rafti sem eina kvöldstund afréð að taka til í íbúð sinni, ryksuga og hreinsa allar bjórflöskurnar af eldhúsborðinu. Á meðan tiltektin fór fram opnaði byttan bjór og hóf svo aðgerðirnar. Eftir mikið streð og juð fékk hann sér svo sæti í sófann og andvarpaði. Leit á eldhúsborðið og hugsaði af hverju í andskotanum bjórflöskurnar væru enn á borðinu, hann hefði tekið þær saman fyrir löngu. Uppgötvaði svo að á meðan hann tók til drakk hann sama magn af bjór og kvöldið áður. Þegar hann ætlaði að standa upp úr sófanum og taka bjórinn saman steinféll hann með fés við gólf vegna ölvunar og bölvaði slefandi. Þessi raftur bjó á Raufarhöfn.

Þar sem Jói Skagfjörð situr heima á Riben teljandi bjórana sem hann sötrar ákvað ég að skora á hann í keppni. Ég legg til að hann hætti sínu bjórþambi, tileinki sér nýjan lífstíl og komi sér í fantaformið sem hann var í er frjálsíþróttaferillinn var í mestum blóma.

Jói Skag, ég skora á þig í 400 m hlaup á frjálsíþróttavellinum í Kaplakrika á páskadag kl. 10.00. Sá er sigrar fær fyrir vikið kassa af bjór og sá er tapar þarf að taka þátt í Kvennahlaupinu næsta sumar. Takir þú veðmáli þessu er ljóst að við eigum báðir mikla vinnu fyrir höndum. Takir þú því ekki ertu forsmán og garmur.