Þetta er ansi slöpp síða. Það slöpp að áðan fór ég að skoða gamlar færslur af því að ekkert nýtt var í gangi. Þar fann ég samt einu færslu Einars Andra á síðunni. Hún er svona:

miðvikudagur, mars 17, 2004
Þá er maður loksins kominn með aðgang að þessari mögnuðu síðu og það er alveg ljóst að hún mun ekkert annað en batna nú þegar ég er loksins farinn að skrifa hérna... Greining á síðasta matarklúbbi er er í vinnslu og mun birtast fljótlega.

Einar skrifaði 09:32



... þá er bara að bíða eftir greiningunni á matarklúbbnum.

Þjóðhátíð í Eyjum!

Þjóðhátíð í Eyjum er fyrirbrigði sem ég hef aldrei skilið. Í fyrsta lagi hef ég aldrei skilið nafnið. Ég, og meirihluti Íslendinga, stend fastur á því að þjóðhátíð Íslendinga sé á þjóðhátíðardaginn sjálfan, hinn 17. júní. Af hverju í ósköpunum heitir þetta þjóðhátíð? Allavega, kannski ekki svo stórt atriði.
Í öðru lagi hef ég aldrei skilið hvað í ósköpunum er gaman við að ferðast alla leið til Heymaeyjar til að djúsa. Ég gæti hugsanlega skilið það ef dagskráin væri spennandi, en svo er alls ekki. Hljómsveitirnar sem boðið er upp á eru yfirleitt allra verstu bönd landsins. Nefni til sögunnar Skítamóral (eða Skímó!), Land og Syni, Írafár og fokking ellismelli sellátin í Stuðmönnum! Til að bæta svörtu ofan á kolsvart þá er venja að horfa á feitan kall spila á gítar, fyrirbrigði sem kallast brekkusöngur. Fyrir utan það að maðurinn kunni ekki á gítar og að hann kunni ekki að syngja þá er hann dæmdur glæpamaður! Í fyrra, þegar þessi feiti var í fangelsi, var hins vegar fenginn fréttamaðurinn góðkunni Mr. Marshall til að spila. Ekki veit ég hvort hann er eitthvað skárri, en frekar vel ég gítarpartý með Krissa, Snúlla eða Gústa frænda hvaða dag sem er.
Svo er það veðrið, já blessað veðrið. Riging! Alltaf rigining í Eyjum. Hvað er eiginlega málið með það?
Í mínum augum er Þjóðhátíð í Eyjum hópur hálfvita í pollagöllum frá 66°norður að hlusta annaðhvort á lélegar hljómsveitir eða á feitan kall. Skríður síðan inn í míglekandi tjöldin sín og drepst þar áfengisdauða. Kemur síðan heim til sín nokkrum dögum síðar og kallar þetta bestu helgi lífs síns! Je ræt.
Ég vill drekka minn bjór í húsi, syngja með gítargaurum sem kunna að spila á gítar og sofna í mínu rúmi. Kallið mig sérvitran en svona er þetta bara.

Hér kemur föstudagsbrandarinn!!


Tveir giftir sitja á barnum og eru að spjalla saman.
"Ég skil ekkert í þessu, í hvert skiptið sem ég fer heim af barnum þá slekk
ég á aðalljósunum á bílnum og læt hann renna hljóðlega inn í innkeyrsluna.
Ég passa að skella ekki hurðinni og læðist á sokkunum upp stigann, fer úr
fötunum áður en ég kem inní svefnherbergi og leggst varlega í rúmið. Samt
æpir konan mín á mig að ég eigi ekki að koma svona seint heim því ég veki
hana alltaf!" "Iss" segir hinn. "Þú ert að gera þetta alveg vitlaust. Þegar
ég fer Heim þá stilli ég á háu ljósin þegar ég kem inn götuna og skransa inn
í bílastæðið og flauta. Ég skelli hurðinni og hleyp upp stigann, hossa mér
uppí rúm, slæ hana á rassinn og segi HVER ER GRAÐUR?" "Einhvern veginn þá
þykist hún alltaf vera sofandi."

Undanfarið hafa stórtíðindi hrunið yfir landsmenn, Fjölmiðlafrumvarp, Dabbi kóngur veikur, höfðulaust lík í Írak og Logi Dregur sig úr landsliðshópnum. En það eru allt smáfréttir í samanburði við það að á morgun munu VÍN meðlimir loks hittast og halda langþráðann matarklúbb!!!! Óvíst er með óákveðinn Jóhannes hvort að hann mætir en aðrir munu ekki láta það á sig fá og hyggjast mæta gallvaskir eins og ekkert hafi í skorist. Halda mætti að Jói geri sér ekki grein fyrir því að þetta er síðasti matarklúbbskvöld Magnúsar í bili og að það hafi verið í hans verkahring að halda það með Magnúsi, allavega hans mál!!!
Sjálfur geri ég miklar væntingar til kvöldsins og hlakka mikið til og efast ekki um að aðrir meðlimir hlakki til sömuleiðis.
Þar sem að klúbburinn er ungur og enn í mótun legg ég til að menn komi með hugmyndir að nýjum hefðum og siðum sem skulu tíðkast í kringum matarkvöld! Hugmyndum skal skila í komment hér að neðan.

Að lokum langar mig til að taka það sérstaklega fram að enn hef ég ekki kosið sjálfan MIG í kosningunni hér til hliðar!

Fann þetta á einhverri ódýrri bloggsíðu:
“VIN félagar mínir geta enn ekki fengið staðfest frá mér hvort að matarklúbbur verði haldinn um komandi helgi. Ég hef einfaldlega ekki klú hvað ég ætla að gera og nenni varla að fara að keyra suður bara til að borða.”
 
Í fyrsta lagi er fyrir neðan allar hellur að halda mönnum enn einu sinni í einhverri óvissu og ætla að láta vita með tveggja daga fyrirvara hvort matarboð verði.
Í öðru lagi verður bara víst matarklúbbur ef Jóinn kemur ekki. Tökum hann bara í Lyngberginu á föstudag og fáum bara staðgengil fyrir Jósann. T.d. Jóa Dan eða jafnvel Jóa Long.
Í þriðja lagi er það særandi fyrir hinn virðulega klúbb að heyra að menn nenni ekki suður bara til að borða. Maturinn sjálfur er sjaldnast aðalnúmer kvöldsins enda er hann oftar en ekki vondur. Matarklúbburinn hefur aldrei snúist um mat heldur um lífstíl.
Í fjórða lagi er ástæðan ‘hef bara ekki klú’ vond ástæða fyrir að gefa okkur ekki svör. Það er eiginlega bara engin ástæða. Það er eins og að segja: ‘Ég veit ekki hvort ég kem vegna þess að ég veit ekki hvort ég kem…’. Þarna beitir Jói greinilega hringafstöðu sem er fræg brella í samræðulist máva. Tel ég lélegt að leggjast á sama plan og mávar.  
 
 
Hvet ég Jóa til að drulla sér í bæinn og taka léttan en nettan matarklúbb á föstudag. Bomba sér svo í bolta á laugardag, smella sér í sund og taka sveittan skyndibita áður en menn leggja svo í árlega Laugarvegsferð á laugardagskvöld. Loks tækla menn Keflavík á sunnudeginum og kíkja á FH-leik áður en hægt er að halda heim á mánudagsmorgni. Köllum þetta valkost A. Valkostur B væri þá að nenna ekki suður bara til að borða. Bið ég Jóa að leggja þessa valkosti á vogarskálarnar. Bið ég Danna að hringja í Jóa Dan og hafa hann á 'standby'.

Í dag á bílasalinn og ÍR-ingurinn Þorgeir Arnar afmæli. Þorgeir er 23 ára gamall. Ég óska Þorgeiri til hamingju með þetta afmæli og vona að hann eigi ánægjulegan afmælisdag.
 
Þá minni ég á árlegan málsverð á flatbökustaðnum Pítsuhreysinu í Smáralind í hádeginu á morgun.

Var að heyra í Jóhannesi. Hann segist harður á að halda matarklúbb næsta föstudag. Líst mér vel á þá hugmynd. Gæti líka verið mikilvægt að peppa drenginn aðeins upp eftir að Austramenn, undir stjórn Skagfjörðs, lentu í síðasta sæti á Nikulásarmótinu í knattspyrnu. Það er auðvitað alltaf ómetanlegt þegar reyndari þjálfarar og einkum menn með nafnbótina ‘þjálfari ársins’ láta nokkur hughreystandi orð falla ef illa gengur. Við sem erum þjálfarar ársins gegnum jú líka ábyrgðarfullu hlutverki og þurfum að kappkosta við að miðla þekkingunni til óreyndari og verri manna. Manna eins og Jóhannesar.
Hér er tónlistargetraun: 
 
Spurt er um band og lag…
i) Í dag. Ég frétti hún hefði framið sjálfsmorð. Það er hennar mál. Vandamál. Einu fífli færra.
 
ii) But me and Cinderella
We put it all together
We can drive it home
With one headlight
She said it's cold
 
iii) Well I don't know why I came here tonight
I got the feeling that something ain't right
I'm so scared in case I fall off my chair
And I'm wondering how I'll get down the stairs 

heilir og sælir félagar mínir kærir
 
Akkúrat þessa stundina eru miklar fréttir að frétta af mér. Miklar fréttir. Þær munu þó ekki birtast ykkur fyrr en síðar.
Ástæðan fyrir skrifum mínum eru aðrar. Ég vill nefnilega benda ykkur á nokkrar ásætður fyrir því að ÉG er líklegastur af VÍN meðlimum til að verða forseti.
 
1. Það er áberandi þegar litið er á fyrrverandi forseta að flestir séu Framsóknarmenn, nefni til sögunnar Ásgeir Ásgeirsson, Kristján Eldjárn og Ólaf Ragnar Grímsson (já og svo auðvitað mig!!)
2. Ég hef ferðast til flestra landa af okkur, og er því mesti heimsborgarinn. Mjög mikilvægur eiginleiki fyrir forseta.
3. Ég er þekktur fyrir góða framkomu.
4. Ég er þekktur fyrir að kunna að fara með vín.
5. ...ég er orðinn þreyttur og nenni ekki að skrifa allar hinar ástæðurnar fyrir því að ég sé lílegastur til að vera forseti. Berglind bíður uppí rúmi og svoleiðis...þið skiljið mig ef þið eru með eistu.
 
kveðja frá Herra Jóhanni Skagfjörð Magnússyni, verðandi 7. forseti Íslands.
 

Svo að ég birti nú aðra grein, (lítið að gera muniði!) þá er komin ný könnun og úrslit síðustu könnunar eru þar af leiðandi ljós.

Magnús hlaut 9 atkvæði og telst því líklegastur til þess að vera laminn með hrífu í höfuðið.
Þorgeir kom næstur með 7 atkvæði
Aðrir fengu færri atkvæði.

Lítill fugl, eða svona meðalstór, ok hann var mjög stór, hvíslaði því að mér að næsti matarklúbbur væri innan seilingar og stefnt er að því að hann verði helgina 23.-25. júlí.

Fyrir u.þ.b. 10 dögum skrifaði Kristmundur pistil á þessa hálflömuðu síðu þess efnis hve lélegir matarklúbbsmeðlimir væru að blogga! Hefði maður haldið að slíkur pistill myndi nægja til að kveikja í mönnum, veit ekki með ykkur hina (nema Krissa) en mér finnst Emil ekkert nettur og alveg nóg að skoða síðuna hans bara einu sinni.

Nú veit ég að staðan er sú á virkustu (einu) skrifurum að
Jói er á Raufarhöfn og hefur ekkert að gera þar nema að sofa og drekka!
Kristmundur mætir ekki í vinnu fyrr en á hádegi (nema tvisvar í viku)!
Hvað sjálfan mig varðar þá hefur verið rólegt að gera hjá mér síðustu daga!
Um aðra meðlimi er ekkert að segja, því að hversu mikið eða lítið er að gera hjá þeim þá birta þeir ekkert á þessari síðu annað en comment endrum og eins.

Hversvegna er þetta andleysi? Varla eru menn með ritstíflu dögum saman (eða mánuðum eins og hinn helmingur matarklúbbsmeðlima), hafa frá engu að segja eða eru ekki með neinar pælingar í gangi.

Jói gæti útskýrt hvernig hann eyðir deginum á stað þar sem er ekkert að gera!
Krissi gæti skrifað um hvað hann er pirraður á að þurfa að vakna fyrr til þess að skrifa e-ð á síðuna svo að hún sé virkari!
Ég gæti talað um hvað mér leiðist mikið í vinnunni þegar það er lítið að gera eða hent inn nýrri tónlistargetraun.
Aðrir mættu jafnvel henda útskýringu á síðuna, hvers vegna þeir birti aldrei neitt.

Hvað sem menn birta þá gengur það ekki að síðunni sé haldið uppi með eina fasta dagskrárliðnum, Tónlistargetraun.

Hvernig líst mönnum annars á að Dabbi Vidd sé á leið í FH?

TÓNLISTARGETRAUN!!!

Hér kemur getraun vikunnar, spurt er um lag og flytjanda/-endur.

i)
We are what we're supposed to be
illusions of your fantasy
All dots and lines that speak and say
what we do
is what you wish to do

We are the color symphony
we do the things you want to see
Frame by frame
to the extreme


ii)
Heads are hanging from the garbage man trees
Mouthwash jukebox gasoline
Pistols are pointing at a poor man's pockets
Smiling eyes ripping out of his sockets

iii)
Another mother's breakin'
Heart is taking over
When the violence causes silence
We must be mistaken
It's the same old theme since 1916
In your head,

iv)
I didn't hear you leave
I wonder how am I still here,
I don't want to move a thing,
it might change my memory
Oh I am what I am,
I'll do what I want,
but I can't hide
I won't go,
I won't sleep,
I can't breathe

(aukaspurning)
Hvert er mynstrið á flytendum???

Djúpavík

Ég fór í ferðalag til Djúpuvíkur, lítils þorps þar sem faðir minn ólst upp. Fyrsti áfangi ferðarinnar hófst seinni part þriðjudags, en þá var keyrt til Akureyrar. Annar áfanginn hófst svo á miðvikudagsmorgun, reyndar mun seinna heldur en ferðalangar höfðu áætlað. Við vorum komin á Hólmavík um hálf þrjú leytið. Þaðan er aðeins einn og hálfur tími til Djúpuvíkur. En af illri nauðsyn þurftum við að bíða á Hólmavík til fimm. Við áttum nefnilega eftir að kaupa áfengi í ferðina og ríkið nýopnaða á Hólmavík opnar ekki fyrr en þá. Það er ekki mikið að gera á Hólmavík þannig eftir að við gerðum allt sem er hægt að gera þar lögðum við bílnum niður við bryggju og fórum bara að gera…krossgátu í klukkutíma. Loksin var hægt að halda áfram. Ekkert markvert gerðist á leið til Djúpuvíkur nema að við pikkuðum upp einhvern Ungverja og gáfum honum far áleiðis. Hann var nokkuð skrítinn.
Djúpuvíkurdvölin var öll hin ánægjulegasta. Grillað á hverju kvöldi, farið í sund á Krossnesi og skoðað sig um í nágreninu. Fengum til okkar heiðursfólkið Olgu og Ragga á fimmtudeginum og börnin þeirra tvö. Gústi stórfrændi var líka á svæðinu og bauð okkur í massa húsbíla/gítarpartý á föstudagskvöldinu. Var það partý hið besta. Á laugardagskvöldinu skelltum við okkur norður í næsta fjörð, en sá fjörður heitir einmitt Norðurfjörður. Þar var hið prýðilegasta sveitaball með tilheyrandi öfögnuði. Það má með sanni segja að rollurnar hafi átt fótum fjör að launa þessa nótt.
Síðan lagði ég bara af stað frá Djúpuvík klukkan tvö á sunnudag og var ekki kominn heim fyrr en korter í tólf. Tímann sem ferðalagið tók má útskýra með miður góðu ástandi bílstjórans. Tvennt stórfurðulegt gerðist á leiðinni heim, annað skemmtilegt en hitt leiðinlegt. Í Staðarskala gleymdi ég fimmtán þúsund króna peysu sem ég á en það gleymdist allt þegar ég var kominn á Melrakkasléttuna því þá náði ég norskri útvarpsstöð sem var helvíti góð. Held meira að segja að gaurarnir tveir sem voru með þáttinn hafi bara verið nokkuð fyndnir.
Fréttir af heimkomu minni munu birtast í pistil hér á pagecannotbefound á næstu dögum.

Síðuræksni hið versta

Frægðarsól pagecannotbefoundvefsetursins er hnigin. Nú hef ég kíkt á síðuna tuttuguogfimm sinnum síðustu daga, aldrei séð neitt ferskt eða skemmtilegt og alltaf endað á því að skoða Emil hinn þýska enn einn ganginn. Nú vil ég síst meina að Emil sé ekki flottur kappi eða að músíkin hans höfði ekki til mín en öllu má ofgera og er Emil þar engin undantekning.

Legg ég til að bragarbót verði gerð á þessu öllu saman og hefst sú bragarbót á fimmþættri lausn:
a) Hvet ég Jóhann Skagfjörð til að gera grein fyrir Djúpuvíkurferð sinni hér á vefnum. Einnig mætti hann gera grein fyrir hvenær hann komi til byggða og hver áform hans eru þegar komið er í Fjörðinn.
b) Hvet ég Daníel til að hrista fram úr ermum sínum tónlistargetraun og það sem líklega er enn mikilvægara að finna fleiri myndir af Emil og sýna okkur. Mættu þær jafnvel vera enn djarfari.
c) Hvet ég Einar Andra til að byrja að drekka á ný.
d) Hvet ég Magnús Inga til að rita fáein orð um Stóra matarklúbbsmálið sem mikill ófriður hefur staðið um á vefnum. Vil ég að hann rói matarklúbbsmenn og tilkynni loks hvenær hann ætlar að halda næsta boð.
e) Hvet ég Þorgeir til að gefa skýrslu um hvernig hegðun Einars Andra hefur breyst eftir að hann ákvað að hætta að drekka. Vil ég að hann noti mannfræðileg hugtök og byrji allar setningar á bókstafnum ‘f’.

Þori að veðja að gaurinn sem hljóp inn á völlinn áðan og henti Barcafána í hausinn á landsliðsfyrirliða Portúgals fyrir framan alla portúgölsku þjóðina lifi ekki af vikuna. Er jafnvel til í að leggja pylsu og kók undir.

SORI

Fékk sendann þennan viðbjóð í vinnunni, fannst ég skildugur til þess að deila þessu með lesendum síðunnar!
Hækkið nú vel...

1. viðbjóður
2. viðbjóður

endilega kommentið skoðun ykkar á þessu!

AF DRUSLUM

Hvílíkar svívirðingar og ónotalegheit! Ég á bara ekki til orð. MÉR er bara kennt um allt saman! Fyrst frestaðist matarklúbburinn útaf Magga og kellingunni og svo út af mér. Það má ekki bara kenna MÉR um þetta eins og Danni gerði. Ég ætla hinsvegar ekki að fara að ota fingrum á næsta mann og byrja að ásaka eins og Daníel og Kristmundur, það er einfaldlega fyrir neðan mína virðingu.
Í stað þess ætla ég að reyna gera gott úr málunum og boða næsta matarklúbb. Hann verður haldinn í á laugardagskvöldið að heimili mínu á Aðalbraut 69, 675 Raufarhöfn. Mæting stundvíslega klukkan 19:00. Ef einhverjir hafa áhuga á að viðhalda þessum matarklúbb þá skulu þeir hinir sömu mæta á svæðið eða þegja ella.
Annar langaði mig bara að óska stórfrænda mínum til hamingju með inngönguna í kennó, æska landsins verður í hans öruggu höndum næstu ár, allavega hluti af landsins æsku.

með vinsemd og virðingu
Jóhann Skagfjörð Magnússon

Það er ekki laust við að ofsi og heift ráði ríkjum meðal matarklúbbsmanna þessa dagana. Síðasti klúbbur var haldinn á prestsetrinu að Smyrlahrauni um miðjan apríl og var þar skýrt tekið fram hvert hlutverk næstu gestgjafa, Magnúsar og Jóhanns, væri. Þessir tveir hrosshausar hafa hins vegar ekki höndlað verkefnið og nú sjáum við fram á matarklúbbslausan júnímánuð. Þetta er ansi langt matarhlé og ég er orðinn svangur. Við höfum þurft að sitja undir afsökunum sem tengjast sumarbústaðaferðum og því að menn þurfi að “sjá um 17. júní” og fer að líða að því að menn séu komnir með upp í kok af aumingjaskapnum. Þetta er hætt að snúast um hvort menn nái að finna fínar dagsetningar heldur farið að snúast um hvort menn nenni yfir höfuð að redda þessu. Þessi vinnubrögð eru áðurnefndum einstaklingum og fjölskyldum þeirra og gæludýrum til skammar.

Tek ég undir orð Daníels hér að neðan og hvet menn til að svara fyrir sig, þegja ekki málið í hel heldur takast á við það. Sjaldan hefur þótt gæfuríkt að húka undir sæng í feluleik á Raufarhöfn þegar á móti blæs enda eru slíkir feluleikir einungis feluleikir við sinn eigin aulahátt.

AF RÆFLUM

Ég átta mig ekki á því hvað hinn ágæti félagi minn Jóhann Skagfjörð er að hugsa, hvað er ég að fara??? Jú þannig er mál með vexti að undanfarið mætti segja að Jói sé algerlega að skíta í brækurnar, í fyrsta lagi þá stóð til að halda matarklúbb 16. júní s.l. (Maggi og Jói), en e-a hluta vegna komst Jóhann ekki bæinn því að hann þurfti að leika sér í fótbolta daginn eftir. Í öðru lagi þá skoraði Kristmundur á Jóhann fyrr í vetur í 400m hlaup sem átti að fara fram á páskadag og ÁTTI það að koma í hlut þess sem beið lægri hlut að hlaupa kvennahlaupið 19. júni s.l.. Svo fór að Jóhann komst ekki (ég er farinn að sjá mynstur hér!!!) því hefði hann átt að taka þátt í þessu kvennahlaupi, en nei hann komst ekki, allavega fór hann ekki!!!
Það sem mér þykir verst við þetta allt saman er að Jóhann þegir þunnu hljóði og virðist halda að svona hlutir gleymist bara! Hann hefur ekki þann manndóm í sér að í það minnsta svara fyrir sig og útskýra hvernig hann ætlar að bæta fyrir allar þessar misgjörðir sínar.

Jóhann, hér með skora ég á þig að skýra mál þitt og bæta fyrir þetta

Ný könnun

Það er alveg á hreinu að lesendum pagecannotbefound þykir Stefán líklegur sem góður heiðursgestur matarklúbbsins.
En hér er komin ný könnun, til að athuga hvort Jóhann og Magnús séu verðugir félagar!!!

Matarklúbbur á miðvikudag!!!

Vildi bara koma því á framfæri að afar mikilvægt er að matarklúbburinn verði haldinn næstkomandi miðvikudag, því að annars þyrfti að fresta honum fram í ágúst, sem er mjög slæmt! Jói, það er því þitt að axla þessa ábyrgð og drífa þetta af....

Annars rakst ég á þetta, frekar svekkjandi.