Sól sól skín á mig;););)!!!!! Ég ELSKA þetta góða veður:):)!!!
(þetta er tilraun til að gera fyrirsögn í anda moggabloggara)

Ég má fara heim úr vinnunni vegna þess að það er svo gott veður. Það kallast sólarfrí.




Lifi gróðurhúsaáhrifin.

Ósjálfráða unglingur fellur í dá

Í staðinn fyrir að skrifa einhverja langloku sjálfur ætla ég að benda fólki á að lesa þetta. Fyrir á sem nenna ekki að lesa má benda á að það eru líka fallegar myndir þarna til að skoða.

Annars er það af mér að frétta að ég eignaðist tvíbura um helgina.

Skrifstofudjobbið

Veit ekki alveg hvernig skrifstofudjobbið er að leggjast í mig. Töluvert öðruvísi en annað sem ég hef gert. Mér fannst ég til dæmis mun frjálsari þegar ég kenndi einhentum börnum í Súdan að joggla eða þegar ég kenndi munaðarlausum börnum í Namibíu að tala íslensku.

Ég er drulluhræddur að verða snappa einn daginn, rústa básnum mínum og sulla niður fullu glasi vatni. Taka ruglið eins og þetta fólk.

Mynd segir milljón sinnum meira en þúsund orð

Jahá, það er sko rétt og það er svei mér gott að blallamennirnir (og kannski konurnar) á dv.is eru líka með það á hreinu. Sérstaklega var það sko gott í frétt þar sem fjallað er um bandarískan barnaníðing sem gengur laus (enda erfitt að ganga fastur). Myndefnið er aldeilis frábært; stafli af blaðamöppum og stóll og mynd í bakgrunn.

Myndatextinn er svo snarpur og lýsandi hjá þeim dv.is mönnum (og kannski konum): Myndin tengist ekki málinu. Hvílík snilld!

Þess má geta að myndin hér að neðan tengist þessari bloggfærslu ekki neitt. (Ég og dv.is mennirnir (og konurnar) erum bara svo hrifin af því að hafa myndir með, bara einhverjar)



- - -

Willum (á pillum) Valsþjálfari sagði í tíufréttum að það hafi verið þvert á allar áætlanir liðsins að fá á sig mark á fyrstu mínútu í Evrópuleiknum gegn Bate. Takk fyrir að leiðrétta misskilninginn sportí.

Einhver ætti síðan hugsanlega kannski (en bara hugsanlega kannski) að benda Willum (á pillum) á að það veit ekki á gott að fara í leik með margar áætlanir. Það ruglar bara treggáfuðu fótboltakallana sem missa eina heilasellu í hvert skipti sem þeir skalla boltann (og þeir eru kannski búnir að æfa síðan þeir voru 5 ára...það eru margir skallar og margar heilasellur). Þess vegna skalla ég aldrei þegar ég er í fótbolta. Hræðsla við að meiða mig kemur því sko alls ekki baun í bala við. Honestly.

Án djóks, hvað er klukkan?

Stundum segir fólk ofangreinda setningu. Eins og einhver sé alltaf að spyrja hvað klukkan er og segja svo "djók!!!".

Jóhann var að koma úr sturtu og er nakinn að horfa á sjónvarpið

Ég elska þessar litlu setningar sem fólk setur fyrir neðan nafnið sitt á MSN og Facebook. Allir eitthvað að segja voða mikið frá því hvað þeir eru / voru / ætla að gera. Mjög krúttlegt (er kannski gay að segja krúttlegt?)

Þökk sé þessum litlu skilaboðum veit ég að Hallur hennar Steinu heldur með Þrótt, Silju Úlfars hlakkar til að fá Vigni sinn heim og Hanna Guðný er "nánast bara búin að pakka og svo er það bara Tenerife á morgun."

En þar sem ég held ekki með Þrótt, hlakka ekkert til að fá Bryndísi heim af stelpukvöldinu og er ekki búinn að pakka neinu þar sem ég er ekki að fara til Tenerife á morgun hef í frá litlu að segja í mínum "smáskilaboðum".

Ég ákvað því að vera frumlegur og skapandi.


Jóhann hlakkar til næstu helgi...swinger helgi í bústaðnum með fimm pörum sem við höfum aldrei hitt áður...jei.

Vonum bara að þessir 155 Facebook vinir mínir séu allir að fatta húmorinn...

Í dag fór ég í búðina og labbaði svo til mömmu

Á laugardagskvölið kynntist ég fyndnum gaur í gegnum jútjúb. Hann heitir Demitri Martin og segir brandara undir ljúfu gítarspili.



Annars eyði ég miklum tíma á jútjúb þessa dagana, aðallega í að horfa á Söru Silwermann. Það er svo sjaldgæft að finna fallega dökkhærða konu sem jafnframt er fyndin og gáfuð.

?

Í dag er ég búinn að lesa nokkrar mismunandi fréttir um að sýndardrekkingar séu líka pyntingar. Það kemur samt hvergi fram hvað sýndardrekking er.

WTF is it?

Þorgeirs Jónssonar í fréttunum

Þorgeir félagi minn birtist á íþróttasvæði mbl.is í dag að handsala samning við kappann knáa Magnús Sigmundsson. Það er óneitanlega góð frétt fyrir okkur FH-inga að fá Magnús heim og svo skemmdi ekki fyrir að myndin af þeim félögum var svo góð að Brad Pitt og George Clooney myndu skammast sín.



Höfundur fréttarinnar virðist hins vegar hafa lent í töluverðum vandræðum með myndatextann.

"Þorgeirs Jónssonar formaður handknattleiksdeildar FH og Magnús handsamla samninginn. mbl.is"

Næst...

...þegar einhver biður mig um að lækka hjá sér iðgjöldin er þetta freistandi svar:

Tenglar dagsins

Tónlistarmaðurinn, dagskrárgerðarmaðurinn, veitingahúsarýnirinn og Hafnfirðingurinn Hjörtur Howser býður upp á tengla dagsins.

Fyrst ber að nefna síðu helgaða þeim merka atburð þegar Djords Búss mun láta af embætti (og eigum við ekki að vona að Obama taki við). Á síðunni er Djords semsagt talinn niður (þó ekki talaður niður - það væri of venjulegt eitthvað). Smellið hér til að skoða.

Hin síðan er tileinkuð Hæstaréttarmáli númer 214, Guðmundar og Geirfinnsmálinu (sem gæti allt eins heitið Guðmundarmálið annarsvegar og svo Geirfinnsmálið hinsvegar). Nokkuð skemmtileg lesning ef maður hefur dauðan tíma (að segja dauður tími er næstum því jafn slæmt og að tala um að eitthvað sé fríkeypis) Smellið hér til að skoða.

Át.

Skyldur bloggarans og of létt tónlistargetraun

Þar sem ég er bloggari ætti ég, blogglögum samkvæmt, að taka eindregna afstöðu í Paul Ramses málinu (og þá helst með Paul og á móti Útlendingastofnun).
Sem bloggari ætti ég einnig að skrifa um frábæran öfugmælaleiðara Binga í Fréttablaðinu síðastliðinn laugardag (og bæta við nokkrum harðorðum setningum um ríkisstjórnina).
Svo gæti ég líka kvartað og kveinað yfir Rússum og Kínverjum fyrir að spara ekki neitunarvaldið sitt í Öryggisráðinu, sagt frá lélegri þjónustu í 10/11 og frá því hvað ég gerði nú um helgina.

En það ætla ég alls ekki að gera. Í staðinn ætla ég að henda inn einni laufléttri músíkgetraun, fyrrum aðalsmerki þessarar síðu. Öll aðstoð Internetsins við öflun svara er með öllu óheimil. Sigurvegarinn fær að fara í sleik við Brynju. Að venju er spurt um heiti lags og flytjanda.

1.
Children waiting for the day they feel good,
Happy birthday, happy birthday,
Made to feel the way that every child should
Sit and listen, sit and listen.

2.
Ef börnin í þig ónotum hreyta,
æskirðu liðsinnis buguð af þraut.
Og bóndinn hann segir bless og er farinn
og búið það tekur að vanta graut.

3.
being attractive is the most important thing there is
if you want to catch the biggest fish in your pond
you have to be as attractive as possible
make sure to keep your hair spotlessly clean
wash it at least every two weeks
once every two weeks
and if you see johnny football hero in the hall
tell him he played a great game
(tell him you liked his article in the newspaper)


4.
Baby, can’t you see
I’m calling a guy like you
Should wear a warning,
it’s dangerous i’m fallin’

There’s no escape, I can’t wait
I need a hit, Baby, give me it
You’re dangerous, I’m lovin’ it

Held að þessi sé í léttari kantinum, en þar sem Daníel er lítið á netinu þessa dagana vegna anna við að redda álveri í Helguvík rafmagni og Krissi ekkert á netinu þessa dagana þar sem hann er í verslunarferð í H&M í Svíþjóð (og fáir aðrir vita um tilvist þessarar síðu) held ég þessari getraun opinni út vikuna.

Síðanfinnstekki er komin aftur!

Það er ljóst að í árdaga Internetsins var ein síða sem bar af öðrum. Það var bigblackwomengivethebestfuck.com. Alveg hreint frábær síða. Mörgum árum síðar kom svo fram á sjónarsviðið nokkuð lakari síða, en skemmtileg þó. Þetta var hin eina sanna pagecannotbefound.blogspot.com.

Hér mátti finna níðskrif í hæsta gæðaflokki um ýmsa meðlimi VÍN hópsins, vafasamar og gríðarlega fordómafullar færslur um minnihlutahópa og magnaðar tónlistargetraunir.

Síðastliðið föstudagskvöld kom Krissa frænka í heimsókn og eftir stíf fundarhöld og átök var tekin ákvörðun um að hefja á ný skrif á þessa fornfrægu síðu. Eins og á blómaskeiði síðunnar má búast við að knattspyrnuhomminn, markaðshomminn og handboltahomminn muni lítið leggja af mörkum. Síðan mun því standa og falla með Krissu frænku, Danna munk og mér sjálfum.

Virðingarfyllst,
Jóhann S. M.

Í gær var ég að róta í skápum. Í öllu rótinu kom ég auga á myndbandsspólu merkta 25 ára afmæli Jethro Tull. Ekki þarf að eyða orðum í að Jethro Tull er eitt spólmagnaðasta band sem stigið hefur á svið enda ku það vera á vitorði allra viti borinna manna. Og enda horfði ég á spóluna. Ótrúlegt að sjá Ian Anderson á sviði sveiflandi helvítis flautunni og geiflandi sig eins og maður vangefinn. Mikill þáttur. Tóku svo við þættir um rokksöguna sem sýndir voru á RÚV fyrir mörgum árum og eru vart síðri. Ekki er þetta allt í frásögur færandi nema fyrir það að þegar ég er í miðjum rokksöguþætti þar sem Jimi Hendrix og Pete Townsend eru að segja sögur af Woodstock kemur í ljós að einhver hefur tekið yfir bút af rokksöguþættinum og blasir því allt í einu við hluti af Stundinni okkar frá því er Ásta og Keli réðu þar lögum og lofum. Stekk ég upp og er bæði vondur og óvær yfir þessu öllu. Þangað til að ég uppgötva gamlan grikk er við Snúlli bróðir gerðum Jóhanni Skagfjörð er ég var í Flensborg. Gerist það nefnilega þarna að Ásta er að segja frá myndunum sem börnin smáu höfðu sent inn í Stundina þessa vikuna, rétt eins og í öllum þáttum Stundarinnar. Segir hún orðrétt: “Þessa mynd sendi hún Dagný Rún... og þessa mynd sendi hann Jóhann Skagfjörð af honum Kela okkar... falleg mynd”. Á þessu augnabliki grét ég bókstaflega vegna kátínu. Rann upp fyrir mér að við Snúlli höfðum teiknað mynd af ketti með vinstri og sent í Stundina merkta Jóa í þeim tilgangi að koma honum fyrir kattarnef. Myndin var síður falleg og á henni stóð stórum stöfum (skrifuðum með vinstri): “Jóhann Skagfjörð” og “Keli er vinur minn”. Gladdi mig mikið að eiga þetta á spólu. Man að Jói fékk miklar ákúrur er hann mætti í Flensborg á mánudegi og kom á daginn að allmargir höfðu séð myndina hans. Mitt persónulega uppáhald þessa rugls var samt raunveruleikafirring barnsins sem endurspeglaðist í textanum: “Keli er vinur minn”. Ljóst að við Sveinn vorum komnir djúpt inn í karakter afar ráðvillts barns.

Áhugasömum er sannarlega velkomið að koma í heimsókn í Stekkjarhvamminn við tækifæri og berja þetta glettna myndbrot augum þegar þeim sýnist.

MÚSÍKGETRAUN-MÚSÍKGETRAUN-MÚSÍKGETRAUN-MÚSÍKGETRAUN
Þá er komið að fyrstu tónlistargetrauninni í afar langan tíma. Spreitið ykkur á þessu kæru félagar.

A) Spurt er um hljómsveit og heiti lags
I didnt feel so bad till the sun went down
then I come home
no one to wrap my arms around
Well any man with a microphone
can tell you what he loves the most
and you know why you love at all
if youre thinking of the holy ghost

B) Spurt er um hljómsveti og heiti lags. Til að gera hlutina aðeins erfiðari hefur textanum verið snúið yfir á íslensku.
Ég man hvert atriði alveg eins og það hefi gerst í gær
Lagði hjá vatninu
og það var enginn annar bíll í augnsýn
Og ég hef aldrei verið með stelpu
sem leit betur út en þú
Og allir krakkarnir í skólanum
óskuðu þess að þeir væru ég þessa nótt

Og nú eru líkamar okkar svo nálægt og þétt
Það hafði aldrei verið svona gott, aldrei verið svona rétt
og við glóuðum eins og stálið á hnífsblaði
glóuðum eins og stálið á hnífsblaði
Komdu, haltu þétt,
Komdu haltu þétt

C) Aftur er spurt um heiti lags og flytjanda
Load up on guns, bring your friends
It's fun to lose and to pretend
She's overboard and self-assured
I know, i know , a dirty word

Eins og ávallt er stranglega bannað að nota netið sér til hjálpar.

Á jólum fer ég á Jólamót. Jólamót í fótbolta. Með kumpánana sem ég þjálfa. Syni FH. Dvaldi langtímum saman á mótinu nú milli jóla og nýárs og þegar slíkt er uppi á teningnum fylgja ávallt súrar sögur. Verst er að maður man þær ekki allar en hér er þó léttur smjörþefur...

Var með þétt d-lið sem vann mótið. Unnu sinn riðil og léku því í undanúrslitum. Ákveðin spenna setti mark sitt á strákana í þeim leik enda vissu þeir að úrslitaleikur var í húfi og því voru fagnaðarlætin mikil þegar leiknum lauk og ljóst var að þeir höfðu unnið. Fagnað var útum allar trissur og þegar ég náði loks að hóa hjörðinni saman í 'hringinn' voru félagarnir á þeim buxunum að taka óleóleóleóle-ruglið á þetta. Ekki vildi betur til en svo að einn kappinn, sem líklega hefur óverdósað á jólaböllum þetta árið, byrjaði að emja 'Adam átti syni sjö' svo glumdi í húsinu. Hefur trúlega verið að leita að 'óleóleóleóle' í orðasafninu en ekki fundið það í sigurvímunni. Tveir aðrir muldruðu þennan sigursöng lágt með þar til meistarinn fattaði hvað hann var að syngja og snarþagnaði. Tók við vandræðaleg þögn þar sem allir litu niður í gólf nema ég sem hló svo sást í kok. Aldrei var þessi neyðarlegi atburður ræddur eftir þetta.

Verst að svona mót líða alltaf svo hratt að ég gleymi alltaf mesta ruglinu í lærisveinum mínum. Maður þyrfti að fara að safna þessu saman. Ólýsanlegir hlutir sem gerast t.d. í 'hringnum'. Fékk einu sinni "ég elska þig Krissi, en ég er samt enginn hommi" frá sjö ára gutta og "veistu Krissi, myndböndin hjá Eminem eru alltaf bönnuð". Er ennþá að vinna úr þessum athugasemdum.

Bý annars enn í tölvuherbergi. Ljótt ef það spyrst út að maður sem býr í slíku herbergi bloggi ekki. Drulluljótt.

Já. Svona líka. Er ekki frá því að það sé að vaxa skott milli lappanna á mér. Maður hefur lengi haft hortugheitin á lofti og sagst aldrei ætla að skrifa á þessa síðu aftur. Svo er maður kominn aftur í óregluna.

Í gær flutti ég heim eftir dvöl á Holtsgötu 10. Það skiptir kannski ekki öllu máli hver hætti með hverjum og þess vegna þori ég alveg að segja að það hafi verið ég sem dömpaði Danna. Það var ekki honum að kenna heldur mér. Ég bara þoldi ekki mannhundinn. En þar sem maður mætir heim uppgötvast að litla systir er komin í herbergið mitt og herbergið hennar er nú tölvuherbergi. Land hátæknibúnaðarins. Þar bý ég. Maður hafði ekki greiðan aðgang að tölvu á Holtstímanum (eins og hann mun kallast í sjálfsævisögunni) en nú liggur beinast við að vera í tölvunni allan daginn.

Þeir segja að það sé komið nýtt ár. Vil meina að þetta hafi verið fersk áramót. Massapartí og létt en nett gítarstemmning hjá onkel Gulla fram eftir kveldi. Þá rólegt en mjög snjöll stemmning á Holtinu með Togga, Andra og fyrrverandi. Loks skelfilegt teiti á Áttunni þar sem ljósglætan í annars niðamyrkri var meistari Símon Jón. Reyndar ágætt að hitta hitt og þetta pakk þarna. Drógum meira að segja valinkunna einstaklinga heim á Holtið í eftirteiti sem var stutt því stefnan var svo tekin til Davíðs Arnars, vopnaðir bongótrommu og gítar. Tók þar á móti okkur flugfreyja. Var þar sungið. Einhvers staðar týndum við reyndar Andra. Hann hefur kannski verið orðinn smeykur þar sem ég var á tímabili farinn að bera saman höggtilburði mína og Ramsey nokkurs. Verður allavega ekki sagt um okkur að við sláum eins og dúkkulísur. Kannski annan okkar en ekki báða í einu.

Kveð ég að sinni.

Strákar rakst á þessar leiðbeiningar úr kennslubók í heimilisfræði frá 1950. Svona á þetta að vera!
1. Hafðu kvöldmatinn tilbúinn á réttum tíma. Það veitir honum þá tilfinningu að þú hafir verið að hugsa um hann og að þér sé annt um þarfir hans. Flestir karlmenn eru svangir þegar þeir koma heim og tilbúinn matur er hluti af því að láta hann finna hversu velkominn hann er heim, en það er karmönnum nauðsynlegt.
2. Notaðu 15mín. til að snyrta þig og skipta um föt áður en hann kemur. Hann er að koma heim úr leiðinlegri og erfiðri vinnu og er þreyttur. Vertu svolítið hress og skemmtileg til að hressa hann við.
3. Taktu upp allt rusl og dót. Farðu eina umferð um húsið og safnaðu saman skólabókum, leikföngum, pappírsrusli og blöðum. Renndu svo tusku yfir borðin til að þurrka af og þrífa svolítið. Eiginmanni þínum mun finnast hann kominn í friðarparadís og það hefur mikið að segja fyrir hann.
4. Snyrtu börnin til. Það tekur aðeins nokkrar mínútur að þrífa hendur og andlit og greiða þeim.. Ef þarf, skaltu láta þau skipta um föt. Þau eru hans fjársjóður og hann vill sjá þau þannig.
5. Sjáðu til þess að húsið sé hljóðlátt. Slökktu á öllum vélum, s.s. uppþvóttavél, þvottavél, þurrkara og ryksugu. Reyndu að sjá til þess að börnin hafi hljótt. Taktu á móti honum með glöðu brosi.
6. Gættu þess að hella ekki yfir hann kvörtunum þegar hann kemur. Ekki heldur kvarta þó hann komi of seint í mat. Þú getur verið viss um að þínar kvartanir eru minniháttar í samanburði við það sem hann hefur þurft að þola yfir daginn.
7. Sjáðu til þess að hann hafi það þægilegt. Láttu hann halla sér aftur á bak í hægindastól eða stingdu upp á því að hann halli sér smástund í rúmið. Vertu tilbúinn með kaldan eða heitan drykk handa honum. Bjóddu honum að klæða hann úr skónum og hagræddu púðunum undir honum. Ræddu við hann með rólegri, mjúkri röddu. Leyfðu honum að slaka á.
8. Láttu hann ráða kvöldinu. Ekki kvarta þó hann fari ekki með þig út að borða eða á aðrar skemmtanir, reyndu í stað þess að skilja að hann hefur fengið sinn skerf af streitu og látum yfir daginn og þarfnast hvíldar heima.
9. Markmiðið er að gera heimilið að stað þar sem eiginmaður þinn getur fundið frið og reglu og getur slakað á eftir erfiðan dag.

Hvenær koma gömlu góðu tímarnir aftur????

NÝR TENGILL
Langt síðan síðast, en ástæða þessa bloggs er sú að nýr tengill er kominn hér til hliðar, en hann leiðir ykkur á síðu "sóðaparsins" í USA, gjöriði svo vel!

Annað sem vert er að nefna er að enginn matarklúbbur hefur verið síðan að Magnús hélt erlendis til náms, þá klúðraði Jói sínum málum eins og frægt er orðið samt hefur hann ekki séð sóma sinn í því að halda matarboð fyrir klúbbinn né gefið neinar yfirlýsingar um að eitt slíkt sé á næstu grösum!!!

Vonum bara að þetta verði ekki til þess að drepa matarklúbbinn!!!

Af hverju er betra að vera karl en kona???
1. Það er nánast alltaf fólk af gagnstæðu kyni sem sést bert í bíómyndum.
2. Þegar þú ferð í fimm daga frí þarftu bara á einni tösku að halda.
3. Enski boltinn.
4. Biðröðin á klósettinu er miklu styttri.
5. Þú getur opnað sultukrukkurnar sjálfur.
6. Félagar þínir gera ekki veður út af því þótt þú fitnir.
7. Þegar þú flakkar á milli stöðva þarftu ekki að stoppa þótt einhver sé að gráta á einni þeirra.
8. Það veltur ekki á rassinum á þér hvort þú færð vinnu eða ekki.
9. Þú færð alltaf ekta fullnægingu.
10. Þú getur náð þér í kvenmann þótt þú sért með ístru.
11. Þér er hjartanlega sama þótt Pamela Anderson geti ekki leikið.
12. Þú þarft ekki að ganga með handtösku.
13. Þú getur tékkað þig út af hóteli þótt herbergið sé í rúst.
14. Þótt einhver finni að verkum þínum í vinnunni þýðir það ekki að öllum líki illa við þig.
15. Þú vinnur þér inn ótal prik hjá hinu kyninu með örlítilli tillitsemi.
16. Þú getur hlegið að Titanic.
17. Þú getur farið í sturtu og skipt um föt á tíu mínútum.
18. Þú getur sofið hjá úti um allar trissur án þess að missa mannorðið.
19. Það þýðir ekki vinaslit þótt einhver gleymi að bjóða þér í veislu.
20. Þú getur keypt þér nærföt -- þrjú saman í pakka -- á 999 krónur.
21. Enginn af vinnufélögunum getur komið þér til að gráta.
22. Þú þarft ekki að raka þig fyrir neðan háls.
23. Það angrar engan þótt þú sért orðinn 34 ára og enn þá ógiftur.
24. Þú getur skrifað nafnið þitt með gulu í snjóinn.
25. Andlitið á þér er í upprunalegum litum.
26. Það er sama hvað þú gerir, þú getur alltaf lagað það með blómum.
27. Þú getur farið út í rigningu í bol án þess að það kosti eftirmál.
28. Þér duga þrjú pör af skóm.
29. Þú getur borðað banana á dekkjaverkstæði án þess að kallarnir leggi í það einhverja merkingu.
30. Það má sleppa forleiknum þín vegna.
31. Þeir sem eru að segja klámbrandara þagna ekki þótt þú komir inn í herbergið.
32. Þú getur farið úr að ofan ef þér er heitt.
33. Þú þarft ekki að taka til í íbúðinni þótt einhver frá Rafmagnsveitunni sé að koma til að lesa af mælunum.
34. Þú þarft ekki að hafa vit fyrir vinum þínum þótt þeir séu á leiðinni heim með vonlausri stelpu.
35. Bifvélavirkjar ljúga ekki alltaf að þér.
36. Þér er sama þótt enginn taki eftir nýju klippingunni þinni.
37. Þér finnst Clint Eastwood góður en þú þarft ekki að fara í megrun vegna þess.
38. Þú getur setið gleiður sama hvernig þú ert klæddur.
39. Þú færð meira kaup fyrir sömu vinnu.
40. Grátt hár, hrukkur og önnur aldursmerki gera þig flottari.
41. Þú þarft ekki að fara afsíðis þótt þig klæi í kynfærin.
42. Þegar einhver baktalar þig þá er það hans vandamál ekki þitt.
43. Þú getur heimsótt vini þína án þess að færa þeim gjöf.
44. Steggjapartí eru skemmtilegri en gæsapartí -- víst.
45. Þú getur keypt þér smokka án þess að apótekarinn ímyndi sér hvernig þú lítur út nakinn.
46. Þú segist ekki vera að fara að púðra á þér nefið þegar þú ert að fara að kúka.
47. Vinur þinn fer ekki í fýlu þótt þú hringir ekki í hann eins og um var talað.
48. Þú þarft ekki að fara heim úr veislu og skipta um föt þótt einhver sé í svipuðum fötum og þú.
49. Þú hættir að ganga í skóm sem meiða þig.
50. Þú þarft ekki að muna hvenær allir eiga afmæli.
51. Þótt þú sért ekki hrifin af einhverri stúlku þýðir það ekki að þú megir ekki sofa hjá henni.