Af kúrekavestrum, heimilisofbeldi og hlunkum
Opnunarleikur utandeildarinnar fór fram í gær á gervigrasinu í Laugardal. Unnum Morgan Kane 6-2. Morgan Kane var frægur bandarískur rithöfundur sem skrifaði kúrekavestra sem aðallega eru til í kiljum. Átti afar gáfulegar umræður í sturtuklefanum eftir leikinn við einn andstæðinganna um bókmenntir og þá einkum störf Morgans. Illskásti Morganmaðurinn í leiknum var Birgir Sigurðsson, fyrrverandi línumaður Víkings svo óhætt er að ímynda sér hversu burðugir þessir bókmenntapésar og mannvinir voru í fótbolta.
Annars hef ég áhyggjur af því hvað ég er að fá mörg atkvæði í könnuninni. Tel ég marga líklegri til þess að leggja hendur á kvenfólk. Jói er t.d. oft mjög ráðvilltur og óútreiknanlegur. Hann var heldur ekki lengi að eignast erkióvini á Riben. Sé ekki ástæðu fyrir því að hann geti ekki barið konur. Maggi er líklegur ef konurnar eru af erlendu bergi brotnar svo hann hlýtur að koma sterkur inn. Einar Andri er hins vegar líklegastur allra. Hann er þekktur raftur og heljarmenni sem getur vel tuskað fólk til. Svo er hann prestssonur og því hæg heimatökin fyrir hann að hljóta fyrirgefningu synda sinna... Var samt að fatta það að ef ég man rétt barði Jósi fyrrverandi kærustu sína oft. Reyndar var það í góðu glensi en hann lamdi hana engu að síður.
Það styttist óðum í Pixies. Ljóst að maður fær þar mikið fyrir krónurnar, ekki síst í ljósi þess að Frank Black er í laginu eins og körfubolti. Myndi halda því fram að hann væri feitasti maður á landinu í dag ef ekki væri fyrir það að Mihajlo Bibercic er mættur á skerið. Sterkur leikur hjá Stjörnunni að kaupa sér 36 ára og 110 kílóa hnullung í framlínuna. Á móti kemur að kílóverðið er hagstætt. Hvað sem því líður er fínt að Black sé feitur. Oft á maður erfitt með að sjá allt á svona tónleikum en nú ætti aðalkallinn alltaf að blasa við.

Skora svo að lokum á Jóa að smíða tónlistargetraun á morgun. Einnig legg ég til að Karþagó verði lögð í eyði. Það skítapleis hefur alltaf verið til óþurftar.